قانون الجذب + "هنا و الان "

سلامٌ على من اتبع الهُدى 

تغريدات من 

@LuWalii

قانون الجذب .. القانون اللي سوى جدل كبير القانون اللي كل من يتكلم فيه القانون العجيب .. قانون "ظنك بالله" !

~~

انا ما أذكر اني مرة تكلمت عن الحلال و الحرام هني .. انا هني لا أفتي ، انا مجرد طالبه تطوير ذاتي اكتب ما يمثلي 😊 لذا ، ننتبه للي ياي ♡

انطلاقا من الحديث القدسي : أنا عند ظن عبدي بي ، فليظن بي ما شاء إن كان خيرا ، "فله" و إن كان شرا ، "فعليه" ما هو الظن ؟

~~

قاعدين تقولون الظن نيه او اعتقاد .. النيه و الاعتقاد شنو ؟ وين مكانهم ؟ اهم عباره عن شنو ؟ الاجابه : عبارة عن فكرة 

~~

الفكرة تعريفها طبقا للي انا فاهمته : اي شي ايي فبالك ، داخلك .. اذا كنت انت في الماضي او المستقبل الحاضر ؟ مافيه افكار

~~

الحاضر اعني اللحظة ، هذه اللحظة "هنا و الآن" اذا انت هنا و الآن ؟ انت في اللافكرة انت وقفت افكارك ، الافكار تختفي بهاللحظة

~~

الفكرة اهي اللي توديك بعيد عن مكانك عن حاضرك عن لحظتك

~~

لي رحت بعيد ؟ انت هني قاعد تركز على شيء اما كان موجود ، او مو موجود انت سويته بخيالك اللي يسرح .. هالتويت اهداء لك

~~

دام انك تركز ؟ انت تعطي طاقة ، تعطي من طاقتك انت طاقتك قاعدة تستنزف في مكان ما ، حيث تركيزك القاعدة المشهورة : الطاقة حيث التركيز !

~~

الطاقة لما تروح حق شي ؟ تحركه ! آينشتاين يقول كل شيء ثابت ، حتى يراقب.. كل ثابت ، لكن مجرد ما تراقبه و تهتم فيه .. يبدي يتحرك

~~

عاد يتحرك ضدك ، معاك ؟ شي راجع للشعور اللي كنت تشعر فيه اثناء التفكير! انتبه هني مربط الفرس

~~

و بما ان اغلب البشر في الكرة الارضية يفكرون و يسرحون ، الكلام مو من عندي من احصائية .. اذا اغلب البشر يحركون ناحيتهم الاشياء بدون انتقاء!

~~

يعني شنو ؟ ان هناك نوعين جذب جذب انتقائي ، و غير انتقائي الانتقائي هو انك تخطط للي تبي تجذبه الغير انتقائي هو شيء جالك بدون تخطيط لجذبه

~~

لما اقول تخطيط و جذب مو بالضرورة يكون الشخص يعرف بقانون الجذب ممكن مجرد شخص فاهم و عارف شنو يبي خطط لشغله و أخذها بإصراره !

~~

لكن سواء انت ك شخص مؤمن بقانون الجذب او لا ، اهو شغال بالكون .. رضيت او لا هذا شيء موجود لا يمكن انكاره

~~

دام انك تفكر و تجذب اللي فكرت فيه .. و انت دام انك تفكر على طول يعني شنو ؟ يعني انت مسؤول عن كل حدث صارلك رضيت بهالجمله او لا

~~

في ناس تصيرلهم احداث مو زينة .. يقول شلون انا مسؤول ؟ انا اكيد ما ابي الشر لنفسي انت بطريقة ما .. تجذب لنفسك ما "لا تريد" بدون ما تحس

~~

شلون اجذب ما لا أريد؟ يعتمد على شعورك اثناء تفكيرك ب "ما تريد"! المسأله سهلة بس يبيلها شوي تركيز

~~

الكون ؟ ما يعرف صغير و كبير فقير غني ، طيب شرير الكون ما يفهم بالقيم اللي خلقها الانسان.. الكون يفهم شيء واحد بس موجود عندي و عندك "ذبذبات"

~~

بالضبط عزيزي ، الكون ذبذبي ، ليس قيمي نشوف مرات اطفال تصيرلهم شغلات مو زينه مرات ناس طيبين تصيرلهم اشياء غلط مرات رجال دين ، يمرضون ..

~~

سين سؤال لو أن الكون قيمي ، و احداث حياتك على حسب طيبتك ، ليش كل هذا يصير بالناس الأخيار ؟ هل الله ظالم ؟ معاذ ربي سبحان رب العزة عما يصفون

~~

الله عادل .. خلق كل شيء بعدل .. و بقدر "وما ظلمناهم و لكن كانوا انفسهم يظلمون" انتم ، انفسكم ، داخلكم ..

~~

شلون اظلم نفسي ! اظلم نفسي بأفكاري الغلط ب ظني السيء بالله ! انت لي احد ظلمك ؟ اعلم انك انت من ظلم نفسه انت من اتى بالظالم

~~

الله ما يظلم عبيده .. من صفاته العدل و الحلم ♡ هو عادل حليم 

~~

يجونك ناس .. تقوله ليش صار جذي ؟ يقولك والله شنسوي الله يبي جذي .. من صجك ؟ الله يبي جذي ؟ بكيفك انت تخليه يبي ؟

~~

لي صار شي مو زين يقول الله كتب ، الله يبي و لي صار زين ؟ يقول والله اي والله انا كنت ابي من زمان و سويت / اخذت / رحت ..إلخ على كيفه

~~

عرفتوهم ؟ اهم نفسهم اللي لي احد يكرهونه مرض قالوا عقاب لي احد يحبونه مرض قالوا لي حب عبيده ابتلاهم يتألهون على الله .. و هم خلق من خلقه

~~

اهم نفسهم اللي يؤمنون بأن الدنيا ؟ دوارة .. طيب ما سألت نفسك يوم انها دوارة من وين جاك هالظلم اللي تبيه يدور على خلق الله؟ ما عنده رد ..

~~

قانون الجذب لمن لا يعرفه .. او لمن كفر من أتخذوه وسيلة ، هو الفكرة العلمية ل"الظن بالله" عند المسلمين

~~

انا عند ظن عبدي بي ، فليظن بي ما شاء السؤال : هل هناك حد لقدرة الله ؟ لا طبعا هل هناك ما يصعب على الله ؟ لا طبعا هو على كل شيء قدير

~~

من ذا الذي أتى بالمستحيل اذا ؟ في جانب الظن بالله .. لا يوجد مستحيلات سواء لك ، او عليك

~~

تفكر فكرة مو زينه ، تعتبرها خطر ممكن هي ليلحين فكرة بس لو حدثت ؟ يصير شي مو زين صح ؟

~~

طيب لو حدثت و صار شي مو زين راح تضيف حدث يديد لحياتك ، يعني انت بالمستقبل يعني شي ما شفته/غيب الله وحده يعلمه يعني انت ؟ ظنيت بالله ظن السوء

~~

و ان ظنيت بالله ظن السوء ؟ فهو عليك! جملة صريحة ذكرت بالحديث القدسي ما فيها روح تعال 

~~

عرفنا الظن و الفكرة .. و عرفنا قانون الجذب .. شرحه العلمي صراحه صعب علي اشرحه كله فيزيا ، موجود بكتاب قانون الجذب للدكتور صلاح الراشد ♡

~~

بعرف الحين شلون اطبق الجذب الانتقائي طبعا

~~

بعيد شوي عن العقل الباطن اعرف ان افكارك هي واقعك و لما تفكر انت ما تستخدم الباطن ابدا الباطن هو خادم فقط ، ينفذ ولا يخطط و لا يفكر

~~

الباطن خادم لك انت الانسان .. انت الانسان ، يا من فضلت خلقا ♡ انت المعجزة ، انت كرمك الله فأحسن خلقك انت اللي فيك نفخه من روح الله عرفت ؟

~~

انت فيك نظام عجيب ، جسمك بحد ذاته معجزة و فيك سر اللي لحد الحين محد عرف عنه شي انت روحك بروحها اعجاز لا تستغرب اذا كنت انت ما تصنع واقعك!

~~

اذا كنت انت صنعت ماضيك .. اذا مستقبلك بيرضيك .. فقط ظن بالله خيرا ... يرحم امك

~~

دكتور صلاح يقول : انا أفكر ، اذا انا مفقود!

~~

بما اني لي فكرت اكون مفقود اذا انا لي انفقدت ماراح اقدر اسوي شي مفيد! انا ابي اكون متحكم تمام! اذا ؟ لا تفقد نفسك خلك هنا و الآن ♡

~~

وصلنا أول الخيط هنا و الآن .. لي تعلمت شلون تكون هنا و الآن اضمنلك كل شي حلو ♡

~~

هنا و الآن .. تقنية يقصدون فيها التركيز البحت الانتباه ، تشغل حواسك بكل شي حولك تكون واعي انت وين ؟ "هنا" و انت في اي زمن "الآن"

~~

ليش "هنا و الآن" Here n Now ؟ عشان انا ابيك تكون بالحاضر عشان تجذب ما تريد! اللي خططت له اللي انت واعي انك تبيه

~~

ابيك تكون متحكم! مو سرحان مفهي تجذب اشخاص من الماضي و يتمون بحياتك و خيالك! و توديهم لي المستقبل شايلهم معاك! خلك هني وياي 

~~

عرفنا ليش الهدف اول شي نتقن "هنا و الآن" ؟ الحين بعرف شلون اكون هنا و الآن

~~

انا بصور ورقة من الكتاب عشان صج ماقدر اطول راح انام عالتلفون لوووول بس عشان ودي افهم اللي خاطره انه يفهم انا حابه اني اعطي اكثر

~~

القصه بالمراقبة .. صير مراقب بس 

~~

لا تفكر بشي و انت تسوي شي!

مثال : انت بتقوم من مكانك بتروح المطبخ راقب قدمك مثلا راقب المكان ، شوفه شوف الزوايا الاثاث يعني انت كاميرا تشوف ما تسجل الكاميرا ما تفكر😊

انت قاعد بين ناس و مو قاعد تسولف اسمع اصواتهم ، شوفهم شلون يتكلمون شلون يتحركون .. راقب ضحكاتهم مثلا راقب بس

~~

هنا و الآن احسن من يطبقها الاطفال البيبي ما يفكر وايد ترى بس يشوف و يبي اللي يشوفه 😂 يبطل حلجه و يتنح بس انتوا تنحوا بس سكروا حلجكم

~~

ماراح اعطيكم تمارين وايد .. السالفه سهله حيل ، و ما تبي زحمة تمارين و افكار اهي تعتمد على شي قتلكم عنه من زمان.. الاعتقادات

~~

ورقة و قلم .. الحل موجود هني ♡

~~

المسألة جدا سهلة تحتاج منك الآتي : 1 يقين تام "سذاااجة" 2 نية / تخطيط هالنية 3 اعتقاد سليم لك لا عليك 4 هنا و الآن مبروك جذبت اول هدف♡

~~

اليقين التام شرحته لكم افهم انك تتعامل مع الله اذا ما ايقنت ان الله بيده كل شي عيل انا ما اقدر اساعدك ، آسفة ♡

~~

جانب إلى اليقين : الدعاء انا وحده لي قصص مع الدعاء ما عمري طلبت ربي و ردني انا ماني متدينة ،انا فقط اتقن الكلام مع ربي حبيبي و اؤمن بقدراته♡

~~

و اقولكم شي ؟ اول تمرين جذب سويته يتني نتيجته عقب 12 ساعه تقريبا كنت في قمة السذاجة ، و كان مو هامني صار او لا بس كنت متيقنه من اللي اسويه

~~

صرت على قولتهم ألعب 😂 صار ماكو شي عندي صعب .. صرت اشيل فكره و احط غيرها اصل لهدف تم التخطيط له بدقة حتى الاشخاص ؟ اتحكم بوجودهم بحياتي

و كل هذا ؟ باليقين بالله ♡

~~

نروح النقطة الثانيه النية او التخطيط .. عشان تجذب شي تبيه .. حدده :) لي احد ياك يبجي تقوله شتبي يقولك مادري عطه كف خله يعرف شيبي 

~~

جد و الله اللي اييني يشتكي و ما يحدد شنو مضايقه ماقدر اتجاوب معاه .. على فكرة انا اول كنت جذي 😊 لولو شفيج ؟.. احس مادري شلون *بوكس

~~

حدد شنو تبي ؟ خلك واااضح ورقة و قلم ؟ فصل تفاصيل التفاصيل اكتب كل شي تبيه بصيغه الحاضر

~~

الاعتقاد تمرين الاعتقادات موجود بالمفضله و كل مكان.. اكتب بورقة اعتقادك عن كل شي له علاقه بهدفك

~~

هنا و الآن .. اتوقع فهمناه ♡ اهو نفسه فك الارتباط على فكرة بس واحد اعمق شوي من الثاني

~~

ما انصحك تفك ارتباطك بهدف حيل تبيه مبجر عيشه اول بخيالك .. اشبع منه اوصل لدرجة انك خلاص تحس ما تبيه انساه ♡

~~

شنو بعد بقولكم ..😯 اي .. احسن ييب نوت حق التفاصيل و التمارين بس لأنك راح تجذب واايد اشياء بإذن الله ♡ مبروك مقدما ♡

____

قد تجد ان سلسلة التامل المجانية او\و  كورس رحلة التامل   تخدمك 

____

~ توافيق