#تحدي_رفع_الاستحقاق

سلامٌ على من اتبع الهُدى 

ايفائا بوعدي 

بسم الله نبدا بشرح #تحدي_رفع_الاستحقاق

و بالمناسبة بنهاية التدوينة رابط لتدوينة نتائج ما بعد التحدي و التعليمات 

قبل اشرح -الاسئلة المتكررة ما استجيب لها -من احد نوايا بكل تحدي لي اني ازيد قيمة الالتزام و المسؤولية عندك .. اذا م راح تلتزم لا تعب عمرك!

- مشاركتك بهالتحدي ما تمنعك من مشاركتك بتحدي ارسال طاقة الحب

- رسميا نبدا بالتحدي من صباح 22 نوفمبر و نستمر لمدة 60 يوم 

- كونك متاخر في التحدي ، لا يمنعك من المشاركة ! 

ابدا الان !

ابدا حسب ما هو مرتب ، النظام وضعته على اساس اسبوعي .. تجاهل الباقين و ابدا طريقك الخاص 

قد تجد ان مادة انفنتي هيلنق لرفع الاستحقاق و\او رحلة رفع الاستحقاق تخدمك 

_____

بامكانك شراء التحديث لهذا الكورس من هنا :

رحلة رفع الاستحقاق

~~~

جهزوا ورقة و قلم جهاز ما ابي .. عندي حساسية من الاجهزة !

ايش هو الاستحقاق ؟ "هو شعور عميق بأنك مؤهل للشيء الذي ترغب فيه" عكسه ؟ التدمير الذاتي شعور انك غير مؤهل للي ترغب فيه

ليش يصير عند الناس شعور بانهم غير مؤهلين - برمجة غالبا حصلت في الطفولة - شعور بالذنب

البرمجة الي تصير في الطفولة تبدا من مواقف صغيرة مثل " انت زعلتني اليوم ما تستاهل ( تستحق ) الفلاني "

تراكم مواقف و عبارات مثل كذا وقت الطفولة تبرمج العقل الباطن و يكبر الشخص و هو فعلا يؤمن بهالشي

برمجة " انت مييييين عشان تاخذ الفلاني " "لو انك ولد امير!" " مين حضرتك" الخ

شعور الذنب اما اتجاه شخص بايذائه او التقصير بحقة اتجاه الله بذنب او غيرة

كل من البرمجة و الشعور بالذنب يخلونك تركب قطار سريع للتدمير الذاتي

 ممكن يكون استحقاقك مرتفع اتجاه المال لكن منخفض اتجاه العلاقات و العكس صحيح كل شي ممكن

من صفات المدمر الذاتي: -ينمدح،يرفض المدح -يوصله امر حلو،يقول م اصدق -هدفه يوصله،بعدين يطير! -تقديم الاخرين دائما -الرضى بالاقل -الاستسلام

العمل على رفع الاستحقاق غير مرتبط ابدا بالايجو ! الاستحقاق شي! و الايجو شي ثاني

" الايجو انفصال، توحد، تكبر، شخصنة،تعنصر،تمحور" "فالشخص هنا لا يرى الا نفسه ، الكل ضال الا هو ، الكل جاهل الا هو،الكل اغبياء الا هو" بينما

الاستحقاق ان ترى نفسك افضل .. مو الافضل! ان ترى نفسك مؤهل .. بدون مقارنة بالاخرين !

~~~***~~~

نبدا بالتمارين 

الاسبوع الاول 

تحدي_رفع_الاستحقاق - الاسبوع الاول

الاسبوع الثاني 

#تحدي_رفع_الاستحقاق - الاسبوع الثاني

الاسبوع الثالث 

#تحدي_رفع_الاستحقاق - الاسبوع الثالث

الاسبوع الرابع 

#تحدي_رفع_الاستحقاق - الاسبوع الرابع

الاسبوع الخامس 

#تحدي_رفع_الاستحقاق - الاسبوع الخامس

الاسبوع السادس 

#تحدي_رفع_الاستحقاق- الاسبوع السادس

الاسبوع السابع 

#تحدي_رفع_الاستحقاق - الاسبوع السابع

الاسبوع الثامن 

#تحدي_رفع_الاستحقاق - الاسبوع الثامن

اسئلة و استفسارات :

س/طيب أنا لمن انمدح أستحي مرره وانخبص علشان كذا ارد وأرفض انه لا ماستحق من باب التواضع وكذا

ج/

لا تتواضعين ! هالتواضع ما نبيه قولي شكرا و انتهى او قولي ادري شكرا << عاد ذي بطله اذا قلتيها

س/مثل ايش اكتب حتي المواقف والتوتر بالدوام وغيره والفرح وكذا او ايش

ج/

بالبداية تكتبين المواقف الي حسستك انك ما تستاهلين/تستحقين و تكتبين الاشياء الي تحسين بالذنب عليها بعدها اكتبي عن كل شي و اي شي يزعجك

س/ممكن اضيف نوايا مثل أنوي ان اكمل كماليات بيتي ؟!

ممكن لكن ما له علاقة بالتحدي ، ممكن تخليها من اهداف 2015

س/الصحه كيف اقيم نفسي وانا فييني مرض وش احط سيئ مثلآ لان مافهمت

ج/

تمرضين كثير ؟ مرضك يطول ؟ مثل هالاشياء حطيها باعتبراك ، مسالة تقدير

س/ حنين اذا جانب عندي موب سيء كثير ولا ممتاز كثير عادي تحط 6 او 7 كذا !

غمضي .. اسالي قلبك و اسمعي الجواب :))

س/

١-انوي ان أكون هنا والآن ؟ قصدك العيش في نفس اللحضه او الحاضر ٢-كتبت النوايا اليوم عادي ولا لازم بكره ؟

ج/

اي باللحظة ما في وقت افضل من الان

س/الاسئله كثيره نختار منها ما يناسبنا او نقولها كلها

الكتابه الاسبوعيه تكون فقط اول اسبوع او كل اسبوع من التحدي اكتب التفريغ من جديد ؟؟

ج/

الافضل كلها حاليا اول اسبوع لمدة 7 ايام

س/طيب بعد مانكتب ايش نعمل في الورقة؟

ج/

النية تحتفظين فيها التفريغ بالزبالة او بالنار

س/يعنى لو عاوزه ارفع استحقاقى تحاه العلاقات استمر عليه ٦٠ يوم بس ولا ممكن كذا حاجه ف نفس المده

ج/

لكل جوانب الحياة شغالين ، مو جانب بدون جانب

س/ حنييين امس ماسمعت اﻻسترخاء وانا امس كان اليوم السابع هل اعيد من البداية

اعيد من كتابة النوايا والتقييم والا ابدا على طول السئلة ؟:)

تعيدين

من البداية من البداية ، كانك توك بادية

س/حنو لما كتبت الاهداف واشتغلت عليها لم يحدث لي قلق او خوف بالعكس حبيت اهدافي ؟؟ هل احتاج اسوي التقنيه النفسيه؟؟؟

مهم انك تعرفين ان الايجو شغال يقنعك انك مو بحاجة تسوين تمارين ، هو يبي يحافظ على وضعه ف يقنعك انك ما تحتاجين 

انت دورك انك تكملين بالتمارين و تتاكدين ان شعور عدم الاستحقاق عندك صفر 

و ان شعور الشك عندك صفر 

و ان شعور الخوف عندك صفر 

في حالة ان كلهم صفر في هالحالة بس ما تعملين التقنية 

ملاحظات :

1 

في حال انك ما قمت بعمل احد التمارين انوي الغائه 

نيتك لا تعفيك من البدء من البداية في اليوم الذي يليه ! 

لكنها - على الاقل - ستعطي للكون انطباع بانك تلتزم بما تقول 

طبعا في صباح اليوم التالي ستبدا من اليوم الاول :))

2 

الكثير يسال ، للحين ما شفت نتيجة للاسئلة ، ما شفت اجوبة وضعي تمام ؟ عادي ؟

حابة اوضح و يمكن قلتها مليون مره 

" نجاح الاخرين ، لا يعني فشلك ! " 

البعض كان عندهم استحاق عالي في جوانب بالتالي الاسئلة اعطتهم دفعه Push حتى تترتب لهم الاحداث ، ف وجدوا اجابات 

الاسئلة بالنسبة لهم اعطتهم تركيز اكثر للي يرغبون فيه 

حتى اخر يوم بالتحدي ، لا تقلق ! 

اذا حصل و انك باخر يوم و ما وجدت نتيجة ف في هالحالة راح نعتبر عندك مشكلة .. و انا اشكك صدقا بحصول هذا الشي ، لان النظام/التحدي صصمته بطريقة تشمل كل شي باذن الله 

3

كثير منكم فاهمين التسامح غلط ، صصحوا مفاهيمكم 

4

اخلي مسؤوليتي من اي شخص يعدل بالنظام 

انا وضعت النظام بما اراه مناسب لكم 

تقرر انك تحذف تمارين ، تزيد تمارين ، تكثف البرنامج .. #ما_خصني_فيك !

اللهم بلغت ، اللهم فشهد !

و كرمال الله لحد يسالني وش رايك لو اسوي كذا بدل كذا 

رايي #ما_خصني_فيك !

~~~~

هذه رسالة وصلتني من متابعة في 7\5\2015 و اخيرا اتفرغ لنشرها : 


 صباح/مساء الخير
اخبارك ياحنين
انا ممتنة لك وسعيدة جدا لوجودك في عالمي
تحدي الاستحقاق جدا جميل وانا الحين في الأسبوع الاول من التحدي وسعيدة جدا بهالتحدي وناويه الالتزام فيه كاملا بإذن الله
سويت جدول لي كذا يوم وأنا أشتغل فيه
أضفت معه تحدي الخيال وتحدي أرسال طاقة حب  وتحدي الوفرة لنواف العثمان واخر اسبوع من التحدي بطبق معه سبليمنال الاستحقاق والتوكيدات
وهذا الجدول بالمرفقات
ويارب يعجبك جدولي وتنسيقي
والله يسعدك ياعسل ويسهل أمورك ويحقق لك ماتتمنين


الجدول تم رفعه هنا :

https://drive.google.com/open?id=1mqTvvGk8X7w9DnlC0fku-N4r5lo3Nvxb


https://drive.google.com/open?id=1AANsoT-Jd8hklxP78YtMGws1khUCXwmS

^ يفترض انه قابل للتحميل و الاستخدام الشخصي 

____

قد تجد ان مادة انفنتي هيلنق لرفع الاستحقاق و\او رحلة رفع الاستحقاق تخدمك 

_____

~~~***~~~

ما بعد تحدي رفع الاستحقاق + التعليمات 

~ توافيق