سلامٌ على من اتبع الهُدى
التعريف بالامسية( مقتبس من حساب أ. مشاري ) :
أمسية عن موضوع #شريك_الحياة، استضيف فيها:
• ا.أسماء الحداد - مستشارة برنامج شريك الحياة في كايزن
• ا.هدى يعقوب - مستشارة طاقة المكان في كايزن
• ا.ليلى كايزن - شريكة حياتي 😄😍
تدوينة اليوم الجزء الاول الي تحدثت فيه ا. اسماء
~ربي زدني علماً ~
بالمناسبة بامكانك الحصول على جديد التدوينات بالضغط على زر "انضام لهذا الموقع "
مع اسماء الحداد - استشارية كايزن للعلاقات
ايش هو الزواج ؟
هو وسيلة لك .. ترتبط فيها بشريك حياتك
؛
تعرف على المصطلحات :
اسال
ايش هو مفهوم الزواج بالنسبة لك ؟
ايش هو مفهوم شريك الحياة بالنسبة لك ؟
ايش هو مفهوم الزوج/ة بالنسبة لك ؟
؛
كيف اختار شريك الحياة ؟!
بداية مهم ان يكون عندك رغبة في الزواج
* لا تصير مع الخيل ي شقرا * << ذي من عندي ما قالوها بالامسية :))
الخطوة الاولى - حدد معتقداتك :
المعتقدات هي افكار او صورة ذهنيه عندك عن الزواج
سلبية او ايجابية اكتبها : السلبية بمجرد وعيك فيها راح تختفي و تنلغي ، وَ الايجابية تتعزز عندك لما تكتبتها
الخطوة الثانية - حدد مخاوفك :
الخوف من الزوج/ة ، الزواج ، الرجل/الانثى ، من نفسك ، من المجتمع ( اخذتها من الاخرين )
انت مصدر المخاوف لانك اخترت انك تتاثر فيها
لانك انت مصدر المخاوف = انت تقدر تلغيها !
تتخلص من المخاوف ب :
تسيجل / اكتب مخاوفك .. كلما عبرت اكثر كلما
^ كتابتك لها وعي .. و اعترافك بها راح تلغيها
او
طريقة اخرى ( من أ. مشاري ) :
فكر بفكرة تحبها
وَ حط داخلها مخاوفك
مع التكرار راح تختفي الفكرة
الخطوة الثالثه - النية :
تدخل في الاعمال وَ الاهداف ، هي عبارة مخزون الطاقة ؛ الطاقة تتبع النية
حسب نيتك راح تكون طاقة ، هي " البنزين " الي راح يوصلك لهدفك
كيف اعرف نيتي ؟!
اسأل نفسي " ليش ابي اتزوج ؟! " ،
" ليش ابي اكون زوج/ة ؟! "
تبدا تطلع لك اجابات
ناس تطلع لهم اجابات مثل :
ابي احس بحرية اكثر ، عند اهلي ما احس بحرية
ابي احس بالوناسة
عندي فراغ عاطفي
^ انت قاعد تطلب هدف طاقة عالية جدا ، هدف جميل و مشاعره حلوه .. ما ينفع تكون عندك هالنوع من المشاعر المنخفضة
اذا مشاعرك منخفضة عبر عنها
بعد كذا ابدا صيغ النية بطريقة تناسب شعورك
يعني لما تبدا تكتب اسباب لا تكتب اشياء مثل الاستقرار و الامان و السعادة
ﻻ تكتب اجابة مو فاهمة مثلا ابي استقرار الخ
لا تكتب هالكلمات العامة
افهم انت وش قاعد تكتب!
مفاهيم مثل استقرار يختلف معناها من شخص ﻻخر
صغ نيتك بالطريقة عامية حتى .. ما يضر
كانك قاعد تعبر عن مشاعرك ك اطفال ؛ لو حصلت على هالهدف وش راح تشعر ؟
عبر عن شعورك بطريقة بسيطة
عبر عن شعورك الحقيقي، ﻻ تتقمص كلمات ما تفهمها
شنو الاستقرار بالنسبة لك ؟! اشرح
تبي ترتاح ؟! شنو الراحة بالنسبة لك
ﻻ تغش من احد نيته !
مثال لنية صحيحة
ارغب بالزواج عشان أشعر بسعادة اكثر ، براحة اكثر ، بالتالي راح اعطي اكثر و بالتالي راح اطول من نفسي اكثر
ممكن تسال " وش ممكن الزواج يضيف لحياتي "
امثلة لاجوبة صحية :
قدرة على اتخاذ القرار ، اطور من نفسي ، استمتع مع زوجي ، اكون لي اسره بيت عيال
ﻻ تقول ابي انحب ، ما في مشكلة بالرغبة بالحب ، المشكلة ان هذا شعور منخفض = حرمان
بمعنى اخر رغبة بالحب دليل ان ما عندك حب .. يعني في حاجة .. حرمان
اذا طلعت لك اسباب فيها حاجة/حرمان .. اكتبها عادي ، لكن غير شعورك اتجاهها
تقدر تقيس النية الي تكتبها بناء على شعورك !
- ﻻ تقول ﻻزم اتزوج ، غلط .. الزواج مو ﻻزم هو اختيار
- نظرة المجمتع تاثر
عبر عن شعورك ، عادي ..
~~***~~
شنو الطبيعي ؟!
منو يحدد شنو الطبيعي ؟! من المسؤول
هي مسالة نسبية تختلف من شخص لاخر
~~***~~
الخطوة الرابعة - حدد الصفات :
كتابة الصفات خطوة مهمه جدا جدا جدا ، و ﻻزم تخطط لها بطريقة صحيحة و سليمة
في ناس تكتب الصفات و يجيهم العكس
في ناس تكتب الصفات و مو قاعد يصير لهم شي
و بسبب ذلك يصير عندهم خوف ان ما يريدونه مو قاعد يصير لهم
( اذا كنت من احد هالنوعين ) ؛ راجع طريقة تخطيطك للصفات !
كل شخص يتخلف عن الاخر
لا تبحث في الخارج ( في المجتمع المحيط بك ) و تطلبه لنفسك
صاحبتك يتعامل معها زوجها بطريقة معينة وَ تصيرين تطلبين شريك مثلة ، غلط
اطلبي من الداخل ( رغباتك ، ميولك الشخصية )
على سبيل المثال وحده طلبت ان زوجها يكون طيب :
طيب غلط ،
ﻻنه ممكن يكون طيب مع الكل اﻻ انت بدل كذا اكتب
، طيب معي ، كريم معي
الدقة مهمه في الكتابة !
اذا اخترت صفه انسبها لنفسك ، طيب معك ، كريم معك ، حبيب معك ... الخ
ما يضر لو كان طيب و كريم و محترم مع الاخرين لكن الاولى انتِ !
بعد كذا حول الكلمة إلى فعل ، شنو الافعال ؟!
الطيب شنو يفعل ؟! حسن نية ، يسهر ع راحتي ، عند حسن ظني
في ناس تشوف الطيب على انه مسكين ! عشان مهم انك تحدد شنو يعني طيب ..
تطلب : رومنسية ، شنو تسوي ؟! ( تذكر بالنسبة لك )
تفاهم ، تفهم ، استماع ، لغة جسد ان الشخص يميل لك << ذا تعبير أ. مشاري عن هالصفة
يجيبي لي ورد ، يحط لي شموع << أ. اسماء الحداد
مره ثانية تذكر انك تنسب الصفة لنفسك ، يعني يكون رومنسي معي !
يمكن يصير رومنسي مع البنات كلهم :"(
بخصوص الصفات الشكلية :
اكتب الصفات مثل ما ترغب
بعد كذا اسأل نفسك ، ليش اخترت هالصفات ؟!
شنو راح تشعر فيه لما تشوف شخص بهالصفات ؟!
طلبت عيون زرق ؟ ليه تبي عيون زرق ؟!
لما نحدد الصفات راح تكون عندك صورة واضحة لكيف حياتك راح تكون ، كيف تتعامل مع شريك حياتك
ف تبدا تشعر بالراحة و الثقة اكثر
الخطوة الخامسة - صورة ذهنية
حدد صورة ذهينة تعبر عن الحب /الزواج ( خاتمين ، زوجين ) بالنسبة لك ،
وَ راقب شعورك ؟!
شعورك منخفظ ، مرتفع
او
تقول " أنا الان زوجة الرجل الذي ارغب فيه "
" أنا الان زوج المراه التي ارغب فيها "
قول بصوت عالي
كيف تشعر ؟!
بكذا تزداد ثقتك بالحصول على الشريك المناسب
الاجابة الي تطلع لك هي حديثك الداخلي ، ابتدي سجل هذا الحديث .. و كرر الجملة مره ثانية
إذا عندك مخاوف ترجع لنقطة المخاوف
إذا اخذت شيء من الخارج راح تحقق الاهداف للاخرين !
~ توافيق
ليست هناك تعليقات:
إرسال تعليق