سلامٌ على من اتبع الهُدى
التعريف بالامسية( مقتبس من حساب أ. مشاري ) :
أمسية عن موضوع #شريك_الحياة، استضيف فيها:
• ا.أسماء الحداد - مستشارة برنامج شريك الحياة في كايزن
• ا.هدى يعقوب - مستشارة طاقة المكان في كايزن
• ا.ليلى كايزن - شريكة حياتي 😄😍
تدوينة اليوم الجزء الثالث و الاخير الي تحدثت فيه أ. ليلى
اعتذر على التاخير
بالمناسبة بامكانك الحصول على جديد التدوينات بالضغط على زر "انضام لهذا الموقع "
لمشاهده الجزء الاول
مع ا. ليلى العنزي - مفكرة علوم انسانية
في استشارات الاستاذة ، تسال ليش تبين تتزوجين ؟ تكون الاجابات :
عشان اطلع بدري من الدوام
عشان افتك من اهلي
عشان اكون حرة بفلوسي
في هالحالة ما نقول ان معقداتها غلط ، نبدا نستخدم هالمعتقد
في طاقة المكان نستغل اعتقادات الشخص تجاه الزواج :
إذا شخص يعتقد ان إذا بيتزوج ﻻنهم راح يعاملونها افضل بالعمل ، نروح ننشط لہا جانب العمل في الغرفة
إذا بيتزوج عشان اهله يعاملونه افضل ، ننشط جانب العائلة في الغرفة
طاقة المكان تمشي في طريقة مرتبة ، مو مسالة احط اركان و بس ، كل جانب ينشط لك جانب اخر ، بحيث تشعر انك " شبعان " يعني في عملك زين و في المال زين و في الشهرة زين و العلاقات زين و في الاسرة زين
ما تبي شي اكثر من كذا !
ف تنشيط للاركان الاخرى راح ينشط لك هالركن
بالنسبة للغير متزوجين : ايش الاشياء الي راح تتصير لك ؟
غالبا في جانب الاسرة و/او المال و/او العمل
ف انت في هالحالة تختصر الطريق و تروح تفعل الركن في غرفتك الي يختص باعتقادك
ما يصير تنشط جانب واحد ، ﻻزم كل الجوانب
كل ركن هو مهم ، إذا نشطت جانب الصحة جمالك راح يتحسن ، بشرتك راح تتحسن، جسمك راح يتحسن
الجمال = صحة !
البنات الي ما ترغب ان زوجها يشوفها بدون ميك اب ... تضبط ركن الصحة في غرفتها
للرجل الي يفكر في جانب المال ، يفكر في المهر .. ضبط ركن المال في غرفتك
استغل البلوكات ( الاعقتادات المعيقة/البرمجة ) الي عندك لحتى توصل لهدفك
وحده كان عندها بلوك من ناحية الزواج ، كانت تخاف لان عائلة امها " غير اصيلة " .. ف في هالحالة في حلين ،
الاول ان نشيل البلوك و نخليها تحب عيلة امها ، طب مو غصب تحبهم !
الثاني اننا نستخدم البلوك في الجذب
فك البلوك ياخذ وقت طويل ، استخدم البلوك احسن
استخدم البلوك في طاقة المكان
البلوك يؤدي إلى توقع ، بسبب الشغلة الفلانية = لن اتزوج
~~***~~
كيف نتعامل مع التوقعات ؟!
الخطوة الاولى اعرف توقعاتك :
كلنا عندنا توقع ،
التوقع هو حدوث امر ما بسبب شي
لا شي يحدث من غير سبب
انا تاخرت لان فلان اخرني
محد يتوقع شي عشوائي
شنو الي خلاك تفكر في هذا التوقع ؟!
غالبا هي الذاكرة ، و ذاكره خارجية تنتج من الاخرين
مثلا تكون قاعدة وَ قدامها وحده من اهلها تتكلم عن قصة زواجها السلبية
هناك من يدعي المصائب خوفا من العين !
اسال :
شنو تتوقع في حالة انك تزوجت ؟!
و للمتزوج شنو تتوقع من شريك حياتك ؟!
اتوقع مَ يرد ع التليفون
اتوقع مَ يحبني خلاص
اتوقع ...
الخ
توقعات هي معلوماتك عن الحياة الزوجية !
التوقع بشكل زين ، يؤثر بشكل زين .. لكن ما ننصح بالتوقع
ﻻ تتوقع .. استمتع بالتخطيط
التوقع يعني انك تعرف للنتيجة النهائية ، وَ انت مَ تعرف النتيجة النهائية !
و لانك ما تعرف النتيجة النهائية لا تحطها
ركز على السبب لا تركز على النتيجة النهائية
~~~***~~~
الاشخاص الي يحكون عن تجاربهم الشخصية ، كيف ياثر هذا الشي ؟!
في ناس تتكلم بصيغة " نحن "
من نحن ؟! من انتوا ؟!
ما لك شغل باللي حولك ، تكلم عن نفسك بس !
تكلم عن نفسك فقط
هالاشخاص :
1- ما يعرفون كيف يتكلمون عن انفسهم
2- ما عندهم قوة و بالتالي يبحث عن قوة الجماعة
الاستاذة دائما تضيف كلمة " بالنسبة لي "
بالنسبة لي القهوة باردة
بالنسبة لي المكان بارد
لا تتكلم نيابة عن الاخرين او تتحمل مسوؤليتهم
~~~***~~~
كيف يقدر الشخص يدخل لعالم شريك الحياة السعيد ؟!
إذا وفرت عناصر الجمال راح ياتي الجمال ، إذا وفرت عناصر الصحة راح تأتي الصحة ... نفس الشي إذا وفرت عناصر الزواج راح ياتي الزواج !
فلذلك عليك ان تستعد
استعد للزواج
استعدادك يكون خارجي :
سيارتك ﻻزم تكون مناسبة للشخص الي يبي يتزوج
نفس الشي التدخين .. الرائحة منفرة
الرجل عادة ( في الكويت ) يجهز لنفسه شقة او غرفة في بيت اهله ، لكن البنات ما عندهم اي تجهيزات
اغلب الرجال يخافون من مسالة الصرف ، يتوقع ان زوجته راح تصرف كثير و هذا الشي غير صحيح ، هذا احتمال انت قررت تشوفه
اذا كنت تظن انه ما فيه انثى ما تصرف كثير انت بذلك حطيت توقع ، و اخترت الاحتمال الواحد فقط لهذا الموضوع
الغاء التوقعات يجعلك نسخة مميزة ، ف لا تكون تابع للاخرين .. لانك لا تتبع السائد في المجتمع
انت لما تتعامل مع هدف من اهدافك ، كل الاحتمالات متوفرة لك !
" ما في بنت تقبلني و انا كذا " = الغى كل الاحتمالات
~~~***~~~
اخاف اتزوج وَ امل منه او يمل مني ؟!
شنو رسالة الملل؟!
يعني هذا الشي احتمال واحد ، ﻻنه شاف هذا الشخص باحتمال واحد
دائما حط شريك حياتك معك في كل شيء ، زوج ، شريك حياة ، صديق ، معصب ، نايم ، حامل .. الخ
عشان كذا ، الرجل الي يروح ل " وحده مو زينه " ما يقدر يستمر معها لشي آخر ، لانه يراها بالاحتمال هذا فقط ، ف يرجع لزوجته لانه يشوفها باكثر من احتمال
شنو يعني صداقة بين الزوجين ؟! يعني صادق معاك
الصداقة هي قيمه اصلا
~~~***~~~
ايش دور الاسرة في هالموضوع ؟!
الاسرة السيئة و الاسرة الممتازة كلهم خطرين عليك
ليش ؟!
تكون في اسرة ممتاز ف تخاف تطلع لك اسرة سيئة ، لانك قاعد تنتقل من اسرتك للاسرة الثانية
نفس الشي الاسرة السيئة لما تطلع منهم لاسرة ممتازة ، تخاف شلون ترجع للاسرة السيئة !
وحده تقول ما اقدر ارجع لاهلي الحين بعد ما شفته ، هم سيئين معي
عشان كذا الاسرة من اكبر البلوكات الموجوده عند الشخص ، مهم تنشط طاقة المكان
الشخص لما يتزوج ينتقل من اسرته ( امه ابوه اخوانه ) لتكون اسره جديده ( مع زوجته ) و تصبح اسرته الاولى عائلته
~~~***~~~
كيف الشخص ممكن ينفصل عن اهله ( ام اب ) عشان يكون مع اسرته ( زوجتة عياله ) ؟! الكثير يشتكي
الاسره هي شكل من احد اشكال المصدر
المصدر هو الشخص المراقب
لما تروح المطعم تاكل بشكل مهذب لان الناس تراقبك
لو شخص يعمل في وزارة راح يستاذن من ؟ المدير !
ظنونك و اعتقاداتك عن المصدر لازم تكون زينه !
اذا ما كانت زينه امورك ما راح تمشي
مراقبك إذا كان زعلان عليك مَ راح تمشي امورك
هل من الممكن تغير المصدر ؟!
يمكن تغيره ، لكن الناس قدرات ، في ناس بسرعة في ناس تاخذ وقت
إذا بتسافرين من مين بتستاذنين ؟! اب اخ ام
هم المصدر
نفس الشي للرجل ، اذا بتتزوج من مين راح تطلب ؟ امك ابوك
ممكن حتى يترك الرجل زوجته ارضاء لامه
المصدر هو الشي الي يهمك موافقته
من يهمك موافقة في الزواج ؟!
البنت عشان تتزوج لازم يوافق ولي امرها ، هذا نظام موجود !
منو الشخص الي تهمك موافقته ؟!
الايش اعتقاداتك عن هذا المصدر ؟!
اعتقاداتك هي الاحتمالات
اهلك ما راح يوافقون
المدير ما راح يعطيك اجازة
الخ
المصدر ممكن يكون جانب من جوانب حياتك ، او شخص محدد
في الجامعة ، دكتور المادة هو المصدر .. اعتقاداتك عنه هي الاحتمالات الي راح تشوفها فيه
اذا اعتقاداتك مو زينه تقدر تضبطها
~~~***~~~
الكثير عندهم اعقادات عن اهل الزوجه و اهل الزوج ، كيف يتعامل مع هالاعتقادات بصدق ؟!
انسانيا قيمة الصدق عندنا عالية ، الانسان صادق
اذا قلت نيه و سويت عكسها راح تتضايق
شخص ما تحبه تروح تسلم علية و انت من داخلك ما ودك تسلم عليه راح تتضايق
ما تقدر ما تروح تسلم عليه ، ليش ؟! لان في مراقب
قد يكون هو المراقب
هو الي قاعد يمشيك
هو الي ماسك الكنترول مو انت
إذا قلت قيمة الصدق في تعاملك مع نفسك تدخل في حالة اسمها عدم توافق!
ودك بشي بس خارجيا يصير عكسه !
بالتالي موجاتك تنخفض لان في ربكة
مثل الي يقول ايه و هو يقصد لا
ما تبي تسوي شي قل ما ابي
خايف يزعل ؟!
خل يزعل ، محد يموت من الزعل
تعامل مع نفسك بصدق
المجاملات زينه ، بعض العادات و التقاليد زينة
احيانا تروح تزور شخص و انت ما ودك
رح زور و خفف الزيارة شوي و اطلع
عملية عدم التوافق مع نفسك تؤدي لانخفاض موجات بالتالي حدوث احداث خارجية سيئة !
نصيحة اخيرة من الاستاذة:
بعد ما سمعت كل هالكلام ( في حالتنا قريت ) افعل ما يتوافق معك داخليا
يعنى اذا قراءة مقاله ، ما عجبتك .. عجبتك نقطة معينه بس .. خذ هالنقطة
ركز على ما يعجبك ، لا تهاجم ما لا يعجبك
انتق ما يناسبك
النقطة الثانية : اساطير ما قبل الزواج
كمية التخويف و الالم و التعب و العذاب مبالغ فيها جدا
خصوصا قصص المنتديات
اعمل ثقافتك الزوجية بنفسك ، اعمل تجربتك لا تاخذ تجارب الاخرين !
~ توافيق
ليست هناك تعليقات:
إرسال تعليق