المال مع ا. نور الزعابي @alzaabi_nour

سلامٌ على من اتبع الهُدى 

نبدأ هالسنة بزينة الحياة الدُنيا 

هالتغريدات اثرتني جدا بداية السنة الماضية مع نور الزعابي  

بسم الله نبدا 

@alzaabi_nour

الشاطر الحين اللي يجمع صور ذهنية وتوكيدات واهداف للمال كلها بتكون بنفس الهاشتاق كلنا بنركز عليه اسبوع كامل

راح اضيف تجربتي مع المستشارين الماليين بقول لكم اسماؤهم وبرامجهم وتقدرون نستفيدون منهم

قبل لا أقول المطلوب تأكد اذا كنت مؤمن ان الرزق من الله و انك تقدر توصل اللي تبيه وتحتاج وقت اقدر تشارك معانا

اذا تعتقد ان خرابيط والله كاتب لك تبقى بحالتك ارجوك لا تكمل لانك بتضيع وقتك

اللي بكتبه لكم مو كل شي انا مألفته للامانة في تمارين من اكثر من شخص فادتني وفي اكثر من دورة فادتني بقول تجربتي الشخصية

انت مو مضطر تسوي كل التمارين تقدر تسوي اللي يفيدك وتحس تقدر عليه تسويه وانت مستمتع مو مغصوب اوكي؟

جربت هالافكار مع اكثر من شخص والنتايج عجيبة كان بالنسبة اصعب شخص ممكن اساعده امي بس عقب ماشفت نتايجها استانست

يعني امي اكثر شخص اطبق معاها تماريني وتجاربي وتطبق وتلتزم

انا ماقول بس تطبق التمرين بتلاقي رصيدك صار مليون لأ كل شي ياخذ وقته المناسب المهم بهالفترة تلتزم وتحافظ على مشاعرك

في تمارين للمشاعر وفي امور مالية لازم تلتزم فيها اوكي؟

اولاً كل شخص يحط نوته وقلم راح يخصصه بس للتمارين مو نوت تلفون لأ العقل يستوعب لمن تكتب بالورقة والقلم جذي حققت ٣٪ من الهدف

ثانياً: النية رب العالمين بعرف نوايانا وليش نبي هالشي اربط نيتك بصدق مع رب العالمين

اعرف رجل اعمال قالي اول شي فكرت فيه اني بساعد ناس يتوظفون وخصصت نسبة معينة من ارباحي صدقة وللايتام

حتى اوبرا وينفري لو تعرفون شنو هدفها الاساسي بتعرفون شلون صارت جذي هدفها تساعد البنات وتنقذهم من الظلم وتعلمهم وتوفقت عالنية

حدد لوفعلاً حصلت على المبلغ اللي تبيه شلون بتساعد ؟ شلون بتوصل لرضا ربك؟ لا تقولون لي ولا تقول لأحد خلها بينك وبين ربك اكتب بالنوت

حدد لك سورة تقراها كل يوم القرآن أنا أحب سورة الواقعة كرر آيات الرزق استشعر فيها تأكد ان رزقك بيوصل لك

التزم الاستغفار "فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً"

"وما من دابة في الأرض إلا على الله رزقها ويعلم مستقرها ومستودعها كل في كتاب مبين" خل هذا اعتقادك وايمانك الجديد

الحين حدد أهدافك المالية كون واضح بالهدف اعتبره الحين عندك اكتب بصيغة الحاضر

لا تكتب ابي بيت فوق جبال الهملايا والا ابي سيارة فراري لونها قوس قزح لا شوي شوي تدرج وكون واقعي 

أمثلة: أنا الآن امتلك سيارة مرسيدس لون أحمر أنا الآن في طريقي للحصول على مبلغ ألف دينار كويتي

لا تربط المبلغ بشي بتصرفه فيه لا تربطه باشخاص لا تربطه بشي هذي الحركة تعيق وصول الهدف واضح؟

التمرين الاول للشجعان صوريلي محفظاتكم خل نشوف شمسوين

المحفظة والحقيبة تعكس وضعك المادي ان كانت مومرتبة ومونظيفة هذي مشكلة لازم تعدلها وتهتم فيها مو بوك ماركة ومافيها دينار 

ولا تمشي بدون بوك والفلوس تتحذف يمين ويسار ولا تترس فواتير واوراق ولوية رتب 

شغلة بسيطة اكتشفتها وجربتها وووووووايد فرقت معاي

اي عملية سحب توصل لتلفونك امسحها وانا اشةف كانت فلوسي تطير 

الحين ابدء بتخزين وطباعة صور ذهنية للمال ولاهدافك خزنها بالتلفون،حط جبالك اول ما تقعد من النوم ،بشاشة الكمبيوتر حتى لو ثلاجتكم المهم تشوفه

اذا عندك شخص ثري تحبه او تحس تبي تكون نفسه او تعرف قصة نجاحة حطه بعد 

اذا بتحطون اوراق بالمحفظة خل تكون اوراق ايداع فقط سحب ممنوع بطاقات مطاعم ممنوع كروت خصومات محلات ممنوع عيادات طبية ممنوع هذي تجربتي

اتوقع لو يطلع مدرب يقدم دورة ماذا تضع في محفظتك لتصل للثراء بينصدم مثلي

با تعقدون نفسكم غصب وتصعبونها شنو لون الصندوق وشكله وخامته؟! ابي صندوق الماس بلون القوس قزح زين جذي؟! لا تحطون عوائق غصب 

اعرف شخص عنده شركة تصوير وميديا يقول ارباحي كلها على الكاميرات والاجهزة والا بوكة كروت شركات تصوير ومعدات 

وحدة دقت تقولي انا من توظفت كل شخر اخش فواتير الشهر عشان اعرف جم صرفت قلت لها ولمن ينزل الراتب الثاني شنو وضعج تقول مفلسة

وهذي وحدة تقول فلوسي عالمكياج بس ماحط وايد الأخت حاطة كروت شركات التجميل بالبوك مع الفلوس بعد طلعوا شنو خاشين

انا اعترف فلوسي كانت تطييييير عالكتب مكتبة جرير قامت تعطيني عروض عالكتب لان حضرتي حاطة كرت المكتبه وورقه اسامي الكتب في المحفظة 

- شيلي المواعيد الطبية

-

الحين تلفوناتكم جم واحد يوصل له مسج من البنك ( تم سحب مبلغ .... من رصيدك ) ؟؟؟

مانبي تم سحب نبي تم ايداع

امتلك كتب تتكلم عن الثراء والاثرياء وادارة الاموال الشخصية واقراها راح تلاقي شي فيها يفيدك انا احب كتب فيصل كركري سهلة @faisalkarkari

اللي يقدر يزهب صندوق او علبة حق باجر بكون ممتاز اقول لكم ليش باجر

~~~***~~~

اللي زهبو صندوق المال بالاول كتبتوا اهداف مالية صح؟ بالصندوق كل يوم لازم تحطون فيه شغلة لها علاقه بالهدف

مثلاً: صورة ذهنية عن شيك فيه اسمك والمبلغ ثاني يوم صورة ذهنية لرصيدك فيه المبلغ كل يووووم

احتا بنركز عالمال بكل جوانبه يعني راح نتابعهم ونشوفهم ونركز عليهم الموضوع موطاقه عشان لحد يأذيني هذا تركيز عالهدف واضح؟

التمرين الثاني حط بدفتر الاهداف كل يوم مبلغ وشراح تشتري فيه مثلاً ١٠٠ دينار راح امتلك كذا وكذا ثاني يوم ٢٠٠ دينار بمتلك كذا وكذا

التمرين كذا

نرجع للتمرين الثاني ليش نسويه عشان نشبع نفسنا من الشي اللي نبيه احنا نبي مال لهدف صح؟ اوكي انا قاعد اقنع عقلي ان انا شريت الشي اللي ابيه

تكلمنا عن كتب المال نقدر نستفيد من شغلة ان نخطط للتوفير والاستثمار ممكن نقرا كتب الاستثمار ممكن ندخل دورة عن المال

ممكن ندخل برامج اون لاين ممكن نتابع اخبار اثرياء ومستشاريين مال انصح ب @salah_aljemaz وعنده برنامج اون لاين راح اكتب لكم مقالة عنه

الحين من تركزون بالمال تبدي تطلع لكم صور احداث مواضيع مشاريع هدايا كل شي له علاقة بالمال

المهم نحتاج تمارين المعتقدات عن المال لازم تعرف بالعمق شنو اعتقادك شنو تحس

اذا عندك تدمير ذاتي او خوف ممكن تحله بجلسات مثل ال جي ال تي مع @Nawaf_i وفي بالاون لاين انصح بشدة

تدرون الاعتقادات الخطا عن المال من وين يت ؟ افلام مسلسلات حكم وامثله اهل عادات وتقاليد عاد قعدوا رقعوا

في اهل كانو يحرمون عيالهم من الفلوس او يطقونهم فالطفل يفهم ان الفلوس شي مو زين يبقى عنده لمن يكبر يتعود يصرف

صديقة امي ماتصرف على نفسه فلوسها كله للناس بشكل موطبيعي مو ب١٠٠ و٢٠٠ لا بالألوووف عقب عرفت السر

امها كانت بصغرها حارقه ايد بنتها لانها كانت تبي ربع دينار حق بقالة فالعقل الباطن ترجم ان الفلوس تييب له خوف وعقاب فيرفضها

مثال ثاني كنت ادرب صغار عن تطوير الذات سالتهم شنو تبون تصيرون لمن تكبرون كل واحد يجاوب شي بس في واحد جوابة فاجأني

يقول لمن اكبر ابي اصير حرامي قلت له ليش شنو يسوي الحرامي؟ قال الحرامي غني وعنده فلوس وايد وعنده فراري لونها احمر

قلت له منو قال ؟ قال ابوي كل مايشوف سيارة فراري يقول هذاحرامي فابي اصير حرامي وعندي فلوس بغيت ازنط ابوه

زرع فكرة واعتقاد سيء بالياهل الطفل اعتقد الحرامي وظيفة انتو لمن تطبقون التمرين بتكتشفون 

الصحابي عبدالرحمن بن عوف كان غني جداً سالوه شنو سر ثراءه قال كانت نيتي أساعد جيش المسلمين وانشر الاسلام

لمن الجيوش احتاجت الدعم كانت بفلوس عبدالرحمن بن عوف وكان تاجر

اللي يعتقد الفلوس وصخ دنيا خالف كلام الله ( المال والبنون زينة الحياة الدنيا) ؟!!

الفلوس تغيير النفوس معتقد يرفض المال من تأليف مادري منو

والمسلسلات ماقصرت طلعت صورة الثري عصبي وظالم وبخيل احنا شكو بالافكار الغلط

اوبرا وينفري وصلت قمة مثلث ماسلو للاحتياجات Maslow وتعتبر الوحيدة في العالم اللي قدرت توصل له لا عصبية ولاظالمة ولا بخيلة

وارين بافيت اغنى مستثمر اجنبي يمشي مع الاوادم عادي من وين حطيتوا اعتقاد الثري لازم bodyguard

لانك بتبدي تغير اعتقادك وتطلع من منطقة الراحة Comfort zone راح يبدي عقلك يوسوس يردك للغلط او ناس تطلع تتطنز عليك مثل اللي طالعين الحين

عليك انك ابداً ما تستجيب اقنع نفسك بالاعتقاد اليديد ادري ماراح يتغيير بيوم وليلة عادي استمتع بالرحلة

اكثر اللي بحبطونك ترى مو حباً ولا خوفاً عليك! ترى اهما قاعدين يشتغلون على نفسهم ويحققون اهدافهم بس ما يبونك توصل

في النهاية تذكر ( انا عند ظن عبدي بي ان خيراً فخير وان شراً فشر) اذا تؤمن انه هو الرازق ممتاز اذا تؤمن انه اللي معاقبك كيفك 

وشخص قالي انا حاطة بطاقة فيها مشروع ايتام برة الكويت. قلت له تحويلاتك للمشروع بس مو قاعد تخسر عندك فائض قال اي الهدف صح نيته حلوة 

عقب ما نصحح فكرنا تجاه المال نقدر ندخل بالادخار وعقب الاستثمار الهدف مو بس توصلني فلوس! الهدف شلون استثمرها وازيدها

اللي عباله بس احط صور واحط ايدي على خدي والفلوس بتنزل مطر من السما هذا ضايع لازم تتحرك الحركة بركة

وارين بافيت قال مرة بمقابلة انا ماأؤمن وايد بالفونج شوي بس اطبقه في مكتبي دام انه يفيدني اهو ما قعد ونطر اهو كان يستثمر من صغره

قاعدته الاساسية ( لا ابيع سهم اشتريته) الهدف يزيد اصوله المالية وينوعها ماقال ماعرف ما افهم واخاف

~~~***~~~

هذا اللي اقصدة بالمحفظة الاساسية والثانيو للبطاقات 

~~~***~~~

خلصتوا من تمرين المعتقدات؟ عندنا شي ثاني لازم نبدي فيه جم حساب عندكم وشنو فيهم؟

واجب اليوم احسبو ايراداتكم ( راتب- مصروف - بدلات ) احسب مصروفاتك الاساسية جم؟ وجم توفير؟ ابي بالنسبة الجواب باجر

تقسيم الراتب الراتب ايراد شهري من مكان عملك وهو مصدر دخلك ورزقك، الاحسان في استخدامه يفيدك وسوء استخدامه يضرك، أنت المسؤول عن اختيارك، الآن هو الوقت المناسب لتحسين أمورك المالية. تعددت طوق تقسيم الراتب وقد تختلف من شخص لآخر، لكن هذه التقسيمو هي الأفضل والسائدة. أولاً : قم بحساب راتبك بالكامل ثم خصص أول ١٠٪ منه للتوفير ، والتوفير أقصد أن يكون للاستثمار فيما بعد وليس تمويل لمصاريفك الزائدة ثانياً: تخصص ٢٠٪ من الراتب هو لسداد الديون أياً كان نوعها ثالثاً: ٧٠٪ هي مصاريفك الشهرية من أجار- هاتف- مأكل- مشرب وغيرها السر ان كنت تعرف كيف تقلل من فواتيرك لتسدد بها ديون اكثر فهذا أفضل لك في حال اردت تسريع التخلص من الديون قم بزيادة نسبته من ٢٠٪-٣٠٪ لمن يحمل فيزا عليك التخلص منها بأسرع وقت المفتاح بيدك

تخصيص ١٠٪ على الأقل من راتبك للتوفير أولاً يعد خطوة قوية للحرية المالية عليك فقط الاستمرار لا تتوقف أبداً

______

قد تجد ان مادة انفنتي هيلنق لشفاء المعتقدات المعيقة تخدمك 

قد تجد ان مادة جلسة إنفنتي هيلنق ل شفاء معيقات الاهداف 

او شفاء العام الماضي و استقبال العام الجديد

او شفاء العام الماضي و استقبال العام الجديد ( نسخة القائمة )

تخدمك في تحقيق الاهداف و صناعة الواقع المرغوب 
_____

~ توافيق