#أُنثى_كايزن 1 @Laila_kaizen @Saraalfalih

سلامٌ على من اتبع الهُدى 

قبل فترة طلع وسم #أُنثى_كايزن و هو كما وصفته سارة الفالح :

 " بعض الأفكار والملاحظات والخبرات المتعلقة بطاقة الأنوثة "

تغريدات أ.ليلى العنزي في هذا الموضوع 

الأنثى السعودية، طاقة الأنوثة فيها عالية بسبب إعتمادها على الرجل مما يقلل طاقة اليانج عندها (الطاقة الذكورية)

الأنثى السعودية تتحدث بهدوء وسرعة أقل مما يضاعف طاقة الين في حديثها فتقل اليانج

المرأة السعودية، ظروف بيئتها ساعدتها أن تكون أكثر أنوثة، تعتمد على السواق هالشي يقلل اليانج(الطاقة الذكورية)

إعتمادها الأكثر على الرجل ضاعف من أنوثتها

اللبس التقليدي للبلد جعلها تهتم أكثر في لبسها في البيت، واهتمامها بنفسها لنفسها هي أولا

مجتمعها نسائي أكثر جعلها تمتلأ في طاقة الين أكثر وهي الطاقة الأنثوية

في بنات تطلع تلبس أحلى لبس، وإذا رجعت البيت لبست أسوأ ما لديها، الماركات تلبسها بس للطلعه يعني للناس مو لها 

لو حاب تعرف حقيقتك؟ لاحظ شنو تلبس للبيت أنا ألبس ترينينج جوسي للبرد ⛄وتراجي كارتير في بنات تعمل العكس.

في بنات تلبس ساعة رولكس حق صديقاتها، والمول وماتلبسها لنفسها كل هذي حقيقتك على فكرة هل اشتريتها لك أم للآخرين 

غريب إن في بنات تشتري بالآلاف بس للناس مو لها، إنتبهي.. ماهي حقيقتك قرري دايما كل شيء تشترينه لك لبسيه بالبيت عادي استمتعي فيه

إعتمادها الأكثر على نفسها في كل شي؟؟ خذت طاقة اليانج كلها من الرجل للعلم أنها أنيقة جدا وجميلة 

ألاحظ في أغلب الأسواق البنات دايما بروحهم؟ وين زوجك؟ شلون إنتي تدفعين؟ جمعية توصل الأطفال تدرس كل شي غلط 

اليانج طاقة ذكورية والين طاقة أنثوية كل الناس عندهم الطاقتين بس متغيرة الرجل عنده ين والمرأة عندها يانج 

مايصير إنتي تشترين أغراض جمعية إنتي تحملين تشتغلين شنو خليتي للزوج بتقولين كلهم جذي بقولج إنتي مختارته يكون جذي 

الكويتية جميلة لكن تنقصها أنوثة تغار بسرعه كثرة الغيرة دليل زيادة طاقة اليانج عندج تشعرين أن كل إمرأة ستسرق أنوثتك

الرجل له مهام، تاخذينها منه راح يشوفج في طاقة يانج لو كنتي أجمل الجميلات الأنوثة طاقة داخلية حقيقية

ممكن تسوقين السيارة كأُنثى؟ لاتفرحين وتعملين حركات بالشارع إنك سريعة مو زين مو زين

ممكن تمشين كأُنثى وتراقبين خطواتك

الذهب يزيد من طاقة الين لبسيه بالبيت أحسن من تخزينه للمناسبات

كل شي تسوينه وقت الطلعه سويه للبيت حتى لو ماكنتي متزوجة راح يصنع نتيجة إنك متزوجة ويرتب لك أسباب

أكبر خطأ إنك تخصصين عطر للطلعة وعطر للبيت عكسيهم، تعطري لحقيقتك وليس لواقعك فيتغير واقعك

إحرصي دائما على لبس الدبلة في البيت تذكري إنك تتعاملين مع حقيقتك لو كانت حقيقتك من غير دبلة ستصنع واقع من غير دبلة👊

علمي السواق يفتح لك باب السيارة والله بتدعولي :)) بس علموه

.........................

تغريدات أ.سارة الفالح في هذا الموضوع 

في الدنيا في إتزان،، من كل شي ربي خلق زوجين 👫 زوجين بأشكالهم المختلفة+طاقتهم المختلفة+مهامهم المختلفة

اللي صاير إن أحياناً الإناث يتدخلون بهذا الترتيب الطبيعي ، من باب إستقلالية، أو قلة وعي! أو حتى ظناً منهم إنهم يدللون أزواجهم

لما يكون فيه إتزان ، وكل واحد يقوم بأدواره ويستخدم طاقته الطبيعية رح نلاقي الرجل بدون تعمُّد حنون ومعطاء وقايم بدوره 💪 

ورح نلاقي الإنثى بعفوية : دلوعة وَ محبوبة ومدللة وكل من يشوفها يلاحظ أنوثتها 👸 طاقتها متزنة وواضحة الين فيها 

صحيح الطاقة الأنوثية / الذكورية موجودة كن فيه أفعال معينة تزيدها، تثبتها وتؤكدها، إيش مظاهر الرجولة/ الأنوثة اللي تشوفونها؟

أنا اللي أشوفه إن الأنثى دايماًمهتمة بنفسها ، دايماً تستمتع بلبسها وزينتها وتفاصيلها .. فيه كثير يهتمون لكن إيش نيتهم ؟

طبعاً الطاقة الين/اليانج متصلة بشعورك الداخلي ! يعني النية تأثّر تأثير كبير عالطاقة حتى لو كان الفعل نفسه ! شلون ؟

اللي تتزين وتلبس : ١- عشان نفسها ، مستمتعة ، ماخذتها هواية واشباع لفطرتها الداخلية ✅ ٢- عشان الناس / زوجها / يشوفونها الرجال

اللي تتزين وتلبس عشان نفسها ، ويكون معيارها للبس : "الملابس اللي تشبهني" رح تتصل أكثر بذاتها = تزداد أنوثتها الطبيعية

اللي تتزين عشان الناس / الرجال ،، أصلاً عيب😳 ! يعني المتزوجة ما يصير تتزين ؟؟ بالعكس !! مشاعرها رح تأثر عالطاقة ،

اللي تلبس عشان الناس ، نيتها فيها تحكم وسيطرة وفرض شي خارجي = اشيا انا احسها رجولية ! فيها اتصال بالخارج مو الداخل ✨🌟😉

الأنوثة / الرجولة : قوة ✨🌟 القوة تنبع من الداخل .. أنا أحب أفرق بين مصطلحين power/force الفورس قوة مفروضة من الخارج ❎

أي شي مفروض من الخارج = مصطنع! مافيه صدق مع الداخل ! مغصوب غصب ! تسوونه بتكلف ! مارح يعطيكم الشعور !!!

لما أحط المكياج وأنا مستمتعة ، و أنا أحس إني قاعدة أدلل نفسي وأُظهر جمالي وأتقرب لداخلي أكثر ! غير لما أحطه لأن وجي أصفر 😂 

المكياج للمتعة والجمال وإني أشبه داخلي أكثر = قوة power المكياج عشان الناس وزوجي شي مصطنع = فورس force 

كل شي من مظاهر لجمال ممكن تسوينه عشان تتصلين بالداخل ، (( بحقيقتك )) أكثر .. وقتها انتي تكونين اكتشفتي السر ! زدتي انوثتك 👸

اللبس اللي تلبسينه وتحسينه يشبهك = هذا متماشي مع حقيقتك ! يزيد إنسجامك مع نفسك وأنوثتك 👸 

أنا شخصياً من معاييري الشخصية للبس (( إنه يشبهني )) 😁 كل القراب مني يعرفون اللبس اللي يشبهني ، يريحني لأنه ماشي مع حقيقتي 

ماكنت اعرف لو غيري يستخدمون المصطلح! مرة @Laila_kaizen كانت لابسة شال معيّن، وكان حلو عليها! كأنه من زمان عندها مع انه جديد 

لما قلتلها انه حلو عليها ! قالت إيه أدري ، أحسه يشبهني ! شلون نربط هذي النقطة بالحقيقة والواقع ،، وبالأنوثة ؟؟ 

يعني أنا لما حسيته من زمان عندها كنت أشوف حقيقتها، وهي لما لبسته تقربت لحقيقتها أكثر 😉 فزادها أنوثة وجمال !

من فترة أنا عملت تغيير بسيط بلبسي،، بديت ألبس أشيا تشبهني أكثر .. اللي شافوني بعدها تقريباً كلهم قالو صرتي أحلى !!

كلهم إنبهروا وشافوني أجمل من أي وقت ! ليش ؟ لأن شكلي صار ماشي أكثر مع حقيقتي ، زاد إنسجامي مع نفسي ! انعكس على طاقتي 

..............

صفات الزوج اللي حطيتها بانستقرام اليوم فادت كثيييرين ،، عالطاري خل نتكلم شوي عن #أُنثى_كايزن وصفات شريك الحياة المستقبلي ؟؟

كثير بنات لما يكتبون صفات شريك الحياة يكتبون إنه ( يخليني أزور أهلي كل يوم // يسمح لي أسافر مع صديقاتي أو أهلي )

أنا مع إن كل وحدة تكتب الصفات اللي تعجبها بدون حكم ، بس فيه صفات تخلينا نشك إذا هالبنت تبي تتزوج أصلا 😳

ليش بعض البنات لما تفكر بالزواج تقول "أهم شي يخليني على راحتي ،، أهم شي حريتي ،، أهم شي ما يشغلني عن أهلي .. "

كأنها تبي ( الحالة الاجتماعية : متزوجة ) ،، و تبي (العرس) .. 👰 بس ما فيه مكان للزوج بحياتها اليومية

لما يكون فيه مكان للزوج ( بالغرفة ، بالوقت ، بالخطط ) رح يجي الزوج .. لما ما يكون له مكان مارح يجي !

هذا كلام عميق شوي أتمنى يوصل 🙏😳 إذا ما كنتي متخيلة له دور -- ما رح يجي ! يجي ليش وانتي حياتك مافيها وقت له ؟

كثير بنات يشتكون إنهم يكونون في بداية الخطوبة وتصير أحداث وفجأة يروح ، هذا طبعاً تدمير ذاتي بس إيش سببه ؟

أنا لاحظت إن كثير بنات مو حاطين للزوج ( فراغ ) ،، مو حاطين له وقت - بس همها صديقاتها وأهلها ! أكيد بيطير

حتى الزوجات ضروري ينتبهون لهالموضوع ! تترك زوجها يسافر لحاله كل سنة عشان "بخاطرها تسافر مع أهلها كل سنة" !!

من وين جت فكرة إن الزوج يربط ؟ يقيد الحرية ؟ برمجة ( not good ) .. إستبدلوها ب زوجي شريك حياتي يزيدني قوة وانطلاق

شوفو الأمثلة حولكم ،، كم وحدة نجحت أكثر وزادت شهرتها وتأثيرها بعد زواجها !؟ كثييير

وجود شريك الحياة ومحبته تعطي الأنثى إتزان وراحة .. فتقدر بعدها تكون (هي) بأفضل إحتمال

خصوص موضوع الأهل ، الأهل مهمين وشوفتهم ترد الروح 💚 بس بعد الزواج صار فيه أسرة جديدة وبيت جديد

ليش تتزوجين وانتي بس تبين تقعدين ببيت أهلك ؟ لدرجة إنه يكون شرط عالزوج ، شي غريب !

يعني كأن الزوج غلطان إنه من راحته معاها يبي يشاركها يومها وحياتها ، يقولون عنه "قاعد يتحكم" هههههههه 

بعد الزواج رح يكون فيه وقت كثير لأهلك ولصديقاتك ،، بس الأهم : أسرتك إنتي / بيتك / شريك حياتك 

العلاقات إستثمار وحب مطلق ، والزواج من أسمى العلاقات 🙏 إستمتعو ببعض ، let your guards down for once

تخيلو تبدون صداقة ومن أولها تحطون شروط ، شوفي يا صديقتي المستقبلية ، أنا أهم شي عندي حريتي ووو..😂 بتختفي شتبي فيك

شريك حياتك يستاهل وقت له ،، ومكان له ،، وخطط له .. يكفي إن إسمه ( شريك حياتك )