سلامٌ على من اتبع الهُدى
تغريدات من @Saraalfalih
عن الاستعداد للوصول للهدف
أحلى شي إنك تتعرف على نفسك اكثر في جانب #الاستعداد ،،
هل انت فعلاً مستعد ؟؟
لو جاك هدفك بكرا رح تكون مستعد ؟؟
ايش يتطلب إنك تكون مستعد ؟؟
في مواضيع أنا أعرف إني مستعدة فيها سويت الهوموورك عملت بحثي تخيلت النتيجة النهائية مشاعري منسجمة مع الهدف وفيه مواضيع أعرف اني مو مستعدة
وفيه مواضيع أعرف إني مو مستعدة فيها ، للحين عندي تساؤلات ،
للحين عندي مخاوف ،
للحين النتيجة مو واضحة بالنسبة لي ،
ما اقدر اتخيلها ..
اعرف اني انا العائق ،
انا سبب عدم اقتراب هدفي مني ،،
يبيلي بس أحل هالمشاكل الصغيرة ،
أناقشها بصوت عالي ،
أوجد لها حلول 
أتحمل المسؤولية
كل واحد طريقته بالاستعداد غير الثاني ،،
أنا لو رح استعد لسفر :
أسوي خطة ، جدول بالاوقات والاماكن ، عناوين ، اقتراحات من الناس ، تفاصيل
شخص ثاني يستعد للسفر : يرتب شنطته وينطلق 
ما عنده مانع يقولون له الرحلة بكرا 
مستعد
مستعد
كيف تستعد لاختبار ؟؟
كيف تستعد لإنشاء مشروعك ؟؟
كيف تستعد للارتباط بشريك حياة مناسب ؟؟
متى تقول عن نفسك بكل رضى : “أنا مستعد”
لـ تستعد :
تحتاج لخطة ،،
لخطوات ،،
لطريقة ،،
لتخيل لـ تستعد :
تحتاج تجيب على تساؤلاتك الداخلية لـ تستعد :
تحتاج تشوف الداخل وترتبه
مثال : أبي خدامة 
️️
️️
بس : عندي تساؤلات ماعرفت اجابتي لها للحين:
*كيف راح اعطيها حرية مناسبة لها ولي؟
*هل سيظل بيتي يشبهني وهي اللي ترتبه؟
*هل راح تتضايق من نمط حياتي؟
هل انا راح اتضايق من وجودها ؟؟
*شلون راح اكون لطيفة وحازمة معها بنفس الوقت ؟
وغييييرها من الأسئلة ! مو مستعدة
الحل :
أعترف بهذه التساؤلات ، أفكر فيها أناقشها ،
أبحث عن إجابات لها .. عادي ،، فرصة لي لأتعرف على نفسي
في أحد جلسات #Sara_Steps اليوم آنسة ودها تتزوج ،،
لكن عندها مثلاً تساؤل : كيف راح توازن بين عملها المُتعب وبين دورها كـ ربة بيت وأم ؟؟
واضح انها مو مستعدة ! 😴
معليش ،، تحتاج توضح اكثر ،،
تحتاج تفصيل وخيال واضح ،، وخطة عمل ،،
طبعاً تخيل أولي ، ممكن يتغير بعد الزواج
شوفو أهدافكم ،، ايش فيه أسئلة بداخلكم تحتاج لاجابات ؟؟
عطوها وقت ، اكتبوها ، خذوها بجدية 
انت تستاهل تعطي نفسك وقت وتركيز
لما ما نكون مستعدين ،
نكون عالمستوى الداخلي نقول ( لااااا يتحقق الهدف بليز ) 
تناقض في الرسالة اللي نرسلها للكون !
طيب لو كنت مستعد بس ما صار الهدف ،،
عادي مو هنا الموضوع ،
يمكن الوقت مو مناسب ،
يمكن فيه جوانب ثانية تحتاج شغل .. سهالة
لا تشغل نفسك بإنك تستعد حسب طريقة غيرك ..
كل واحد له خطواته الخاصة ،،
كل واحد له تساؤلاته وأفكاره ،،
(( كل واحد له طريقته ))
عط نفسك طريقتك
~ توافيق
ليست هناك تعليقات:
إرسال تعليق