سلامٌ على من اتبع الهُدى
هالموضوع كثير تتم مناقشة من جهة اهل الدين
اليوم لنا منظور مختلف من وجهة نظر علوم الطاقة
كل ما ستقراة من حساب أ. ليلى العنزي في الانستقرام
بسم الله نبدا :
بالمناسبة بامكانك الحصول على جديد التدوينات بالضغط على زر "انضام لهذا الموقع "
علاقات الحب
،ظاهرة منتشرة بكثرة
، حالات كثيرة من بنات وشباب، يعانون منها.
مرت علي حالات أكثر مما تتصور.
ماهي المشكلة الحقيقية؟
نتكلم كويتي الحين،
البنت تحجز استشارة معاي، وتقولي أنها بتتخلص منه. منو؟
الشاب اللي تحبه ووعدها بالزواج وتخلى عنها!
اول شيء لازم نعرف شنو اللي تبيه؟
البنت: تعبت أستاذة بس أبي أنساه
ليلى: حاضر بس موالحين
البنت: ليش
ليلى: أنتي تطلبين نسيانه وداخلج صوت يقول انا أحبه وارغب فيه.يعني عندنا
طلبين،وهذي حالة تناقض . اللي حاصل معاج انج ماتبينه بنسبة ١٠٪ وتبينه بنسبة
٩٠٪ ، وواضحة معاناتج بسبب الصراع داخلج ،التناقض طبيعي بس يكون متعادل، في
فرق كبير بالنسبة.
ليلى: منو ظهر للثاني؟
البنت: هو
ليلى: غالبا هو الجاذب وأنتي المنجدبة، يعني أنتي في وعيه. الخطوة الأولى نشتغل على
إخراجك من وعيه حتى تتمكنين من التحكم .
البنت: وشعوري
ليلى: شنو فيه شعورج عادي خليه، اسمحي لنفسج تبكين وتزعلين عادي أنتي
قاعده تنهين علاقة. حضري للعزاء، اعطي نفسج مدة راح نحددها مع بعض. ونبدأ
نلتزم فيها.
البنت: عادي أتضايق!!
ليلى: اي عادي ولو عندج اي رغبة بالاتصال عليه وتهزيئه عادي، بس نراقب.
البنت: كيف اراقب!
ليلى: اتصلي وقرري انك بتقولين له كلام مش ولابد بس انتي مخططه لهالشيء
ومراقبة مافي ضرر،لاتكتمين وتأذين نفسج.
البنت: أستاذة والله اول مرة أدري انه عادي
ليلى: اي عادي انا اسهل الامور بوعي كل استشاراتي اسمح لهم بعدد ساعات سلبية،
ينزعجون فيها ويفكرون بالشيء اللي يخافون منه.
راح اعطيج ٣ساعات باليوم مارسي كل السلبية فيها حتى لو تفكرين بشيء سيء،
المهم مراقبيييين
البنت هذي نفسها عرفت أنها تزوجت من رجل آخر اختارته بعقلها، وأحبته بقرار منها.
وصارت تضحك كل ماتتذكر كيف كانت تتألم من تجربة حب فاشلة.
على فكرة مربس البنات يتألمون كثير رجال يعانون من ادمان قصة الحب المعشعشة
في راسهم. اللي يحبك بصدق راح يطلب يتزوجج ، واذا تهرب، لاتردبن عليه مع ألف
سلامه. أنتي أرقى من هالرجل الجبان. تخلصي من فكرة قصة الحب اللي عندك
اصرار على تعذيب نفسك فيها.
قرار إنهاء علاقة، بسبب معاناة منها:
كم نسبة رغبتي في إنهاء العلاقة بصورتها السيئة؟ كم من ١٠٠ تحس؟
كم نسبة رغبتي بالعلاقة بالطريقة التي أرغب فيها؟
أنت ترغبين بالعلاقة اللتي في مخيلتك مع هذا الشخص، واللي حاصل أنها عكس
ذلك تماما. الصراع بين إنهاء علاقة سيئة ورغبة في تلك العلاقة في مخيلتك.هو
صراع بين واقع ورغبة لم تتحقق.
للتوضيح أن العلاقة التي في مخيلتك قد لاتناسب هذا الشخص؟
ستظهر على السطح في عز قوتك، دائما أنصح البنت بالزواج وهي قوية وليست
ضعيفة، وبليز ناخذ إرشاد من شخص متزوج وعنده خبرة، أغلب مستشارين اليوم
للأسف الرجال والنساء. يساعدون الناس وهو موعارف يتعامل مع زوجته، والبنت
تنصح وهي مومتزوجة أساسا. مع احترامي، لكن في نقطة، أن الموضوع خطير لأنك
بتكون في وعي المرشد وهو أساسا مايمتلك هالشيء!
يعني كيف بتتعلم الثروة من شخص فقير ويعاني بالمال.
المعلومات ماتكفي، وعيك اتجاه المعلومة هو اللي يعمل ؟
هل أنت تمتلك هالمعلومة فعلا، هل هالمعلومة عندك في أفضل درجة لها.
البنت تستعين بصديقتها أو اختها، ماينفع يا امي، لاتطلبين مساعدة من شخص لاقوة له.
-احتفظي بالموضوع لاتنشرينه حتى لاتزداد طاقته
-استعيني بمستشار له خبرة وتأكدي عارف كيف يدير حياته.
-مارسي العزاء نفس ماذكرت، تصرفي بطبيعية
-حددي مدة لنفسك من ٣شهور إلى ٥
-تدرجي في ذلك، لاتقطعين مرة وحدة، لانج راح ترجعين تتصلين فيه.
-راقبي تصرفاتج، هل أنتي موقادرة تنزعجين وتخبرينه بحقيقته !
لو اي، بتكونين انتي بوعيه لان هذي آدابه
-قرري في يوم انج تتصلين وتخبرينه شكثر هو جبان
-حددي لنفسج يوميا ٣ساعات للبكاء والدراما بهالوقت ممكن تسمعين أو تراقبين أي
شيء يذكرج فيه مسجات ، أغنية.. وتحسري عاد ماأوصيج.
-خلال هالفترة ابدا ابدا لاتدخلين في اي علاقة، لانك راح تجذبين نسخة منخفضة .
-خصصي شيء يغذي عواطفك، ممكن يكون شوكلت بس نوع جديد.
-اقرئي هالفترة، او اسمعي اي شيء مهما كان، لان المعلومات تبعد الذاكرة، تساعدك
على النسيان.
-المشي ممتااااااز كذلك لانه يبعد الذاكرة.
-اسمعي برنامج تنموي، يمكنك سماع برنامجنا هاش تاق ٦٠حلقة كافي انه يطلعك من
هالمعاناة.
-حددي اعتقاد وكرريه يوميا يساعدك
(انا انتقل من وجودي في وعي فلان إلى وجودي في وعي )
(أنا أمنح نفسي القوة للتحكم في قراراتي)
(أنا المتحكم في استمرار او انهاء هذه العلاقة)
~ توافيق
دائما ليلى رمز العطاء اشكرك
ردحذف